Iyo modokari yo muri kompagnie Okapi ikora ingendo za Uvira Bukavu. Yaguye mu mutego w’abantu bitwaje ibirwanisho ku mugoroba wo kuri uyu wa mbere uheze. Iyo modokari yahiye mu masaha yo kumugoroba hafi isaha cumin a zibiri. Nta muntu numwe yahasize ubuzima. Ico bikoze abantu bari muri iyo modoka barasahuwe urukombamazi yaba amatelephones canke amafranga. […]
Abaforoma bashizwe ku bibanza bicungera ikiza Ebola bishuza amezi atatu y’amafaranga y’induhuro aho baheraniwe na Reta ibirarane vy’amezi atatu. Abo baforoma bakavuga ko bagishirwa muri ico gisata, bâri bemerewe amafaranga 10 000 ku musi yiyongera ku mushahara. Ariko kuva bagitangura ko haba gucererwa birenze mu guhembwa, bagasaba ubushikiranganji bubatwara kubishura umushahara w’amezi ashika kuri atatu […]
Mu abategetsi b’u Burundi bafashe ingendo yo kwiha ijambo mu misa, abasenyeri bavyanse bivuye inyuma bavuga ko atana hamwe vyanditswe mu ndinganizo ya ekeleziya Katolika. “Abakirisu bamwe bamwe na bamwe mu ntwaro baramaze imisi bafata amajambo mu nkuka y’imisa, nkuko umenga imisa yahinduwe ikindi gisabisho cose gisanzwe abantu bahuriyemwo.” Nkuko biri mw’itangazo risozera inama y’abepiscopi yabaye […]
Nk’isaha zibiri zirenga z’umugoroba kuruyu wa gatatu, itegeko rishasha rigenga amatora ryaratowe inyuma y’amasaha arenga 10 y’impari. Impari zahuza abashingamateka bo mu runani Amizero y’abarundi ku ruhande rumwe, n’abamuka muri CNDD-FDD ku rundi ruhande. Vyinshi ntibavyumvikanako, nk’ingwati isabwa kugira umuntu yitoreze kuba Umukuru w’igihugu, ibijanye no gutera umukono ku cegeranyo c’ivyavuye mu matora, uguserukirwa kw’abakenyezi,… […]
Uwahora arongoye igihugu ca Soudani aherutse gukomborwa n’abasirikare yaraye ajanywe mw’ibohero riri ku murwa mukuru wa Soudani Karthoum. Aya makuru yatanzwe numwe mubawegereye ku kinyamakuru caho muri Soudani avugako bamutwaye mw’ijoro ry’uwa kabiri ushira uwa gatatu. Umwe mubantu bo mumuryango wiwe avuga yabwiye abamenyeshamakuru mw’ibanga ko Bashir yajanywe gupfungirwa ahitwa Kober i Karthoum mw’ijoro ryakeye. […]
Umusore azwi kw’izina rya Anicet Ndayishimiye, imbonerakure batazira Mupara, Yishwe buca ari kuwa kabiri muhira iwe ku mutumba kabonga, komine nyanza lac, akaba yagandaguwe n’abantu bitwaje ibirwanisho ariko bataramenyekana gushik’ubu. Abasanzwe baba kur’uyo mutumba bavuze ko nya bantu Babanje kumusaba amafaranga, baca baramurasa, Abasirikare n’aba polisi benshi baciye bazanwa muri ako gace, baguma bahasaka gushika […]
Jean Claude Ndihokubwayo yari umusore arongoye igice c’abayabaga bahurikiye mu mugambwe uri ku butegetsi I Bujumbura mu gice ca zone rohero komine mukaza yishwe mu masaha y’isaha Imwe n’igice z’ijoro, akubiswe ikibando n’abantu bataramenyekana aho yarari mw’ibanki ya Bancobu. Ivyabona vyari mur’ico kibanza, bamenyesheje ko babonye abantu bashika kuri bane baje bamukurikira buhoro buhoro mu […]
Umunywanyi w’umugambwe uheruka kwemerwa n’amategeko CNL yakubitiwe mu ngoro ya CNDD-FDD. Alexandre Nduwimana, umwe mu bajejwe kwigisha umugambwe CNL muri komine Butihinda yasambishijwe akubitwa inkoni n’abarongoye umugambwe uri ku butegetsi CNDD-FDD muri komine Butihinda, Intara ya Muyinga, mu buraruko bushira ubuseruko bw’igihugu Vyabereye mu ngoro ya CNDD-FDD i Butihinda ku munsi w’ejo isaha imwe y’ijoro […]
Ivyo bikaba vyashikirijwe n’umuvugizi w’ubushikiranganji bw’intwaro yo hagati mu gihugu aho yasaba umugambwe mushasha uheruka kwemerwa n’amategeko CNL gukorera ku mugaragaro, gushinga inzego z’uyo mugambwe gushika ku nzego zo hasi. Ivyo akaba yabibasavye mu ntumbero yo kwubahiriza amategeko agenga imigambwe mu Burundi. Umuvugizi w’ubwo bushikiranganji, Tharcisse Niyongabo akaba yabishikirije inyuma yaho umushingamateka Agathon Rwasa asanzwe […]
Mu gitondo ca kare kuri uyu wa kabiri igisirikare ca Congo FARDC cariko gitana mu mitwe n’abarwanyi b’umuhari FNL wa Aloys Nzabampema mu bice vya Magunda na Kakuku muri segiteri Itombwe mu karere ka Mwenga mu ntara ya Kivu y’ubumanuko muri Repubulika ihanarira intwaro rusangi ya Congo. Abasirikare ba Congo FARDC baragavye ibitero bikomeye ku […]
